Khilli Ram Meena, IAS, Chief Secretary chuan thutkhawm hi kaihruaiin Department hrang hrangin mawhphurhna an neihte sawi zauna hun a hmang a. Director General of Police, Principal Secretary, GAD, Commissioner & Secretary, PWD, Secretary, Planning & Programme Implementation Department, Home Department, Cooperation, Transport, Power & Electricity, Public Health Engineering, Information & Public Relations, Horticulture, Aizawl Municipal Corporation, Sr. SP, Traffic, SP Security, SP, Aizawl, Aizawl Deputy Commissioner, State Protocol Officer, North Eastern Frontier Railways, DIG, Assam Rifles, Army Medical Corps, Aizawl, Aviation, Fire & Emergency Services, Doordarshan Kendra, All India Radio leh Indian Meteorological Department, Aizawl te an tel niin Sawrkar thuchhuah chuan a tarlang.

Thutkhawmah hian venhimna tha taka kalpui dan tur te, Lengpui, Thuampui leh Lammuala hun hman dan tur te leh Mizoram kutchhuak thuam, thlai leh thei chi hrang hrang pholan dan tur te sawi a ni a.

Hun pui ber hmanna Lammualah hian Aizawl District huam chhunga Sawrkar hnathawkte, Kuthnathawktute, School zirlai leh College zirlaite an tel theih nana ruahmanna siam dan tur sawi a ni bawk. Veivahna kawnga harsatna a awm loh nan lirthei hunna tur hmun ruahman dan tur te, kawng leh a chhevel tihfai leh chei dan tur te sawi lan a ni bawk.